|
|
|
| 21 Azer- Yirmibir Azer
|
|
|
Sunday, May 01, 2011 قاضي محه‌ممه‌د`ين مير جعفه‌ر باقيروف`ا يازديغي اوچ توركجه مكتوب مئهران باهارلي آشاغيدا ايكينجي دونيا ساواشي ايلله‌رينده بوگونكو باتي آزه‌ربايجان اوستانينين بير سيرا كوردله‌رله مسكون بؤلگه‌له‌رينده قورولان يئره‌ل كورد دئوله‌تينين (كوردوستان جومهورييه‌تينين) باشچيسي قاضي محه‌ممه‌د طره‌فينده‌ن آزه‌ربايجان سوويئت سوسيياليست رئسپوبليكاسينين باشچيسي مير جعفه‌ر باقيروف`ا يازديغي اوچ توركجه مكتوب وئريلميشدير. بو اؤنه‌ملي تاريخي مكتوبلار، توركجه‌نين ايراندا ياشايان ميلله‌تله‌ر آراسيندا آراجي (رابيط) ديل اولاراق قوللانيلديغيني گؤسته‌رمه‌ك آچيسيندان دا اؤنه‌ملي بلگه‌له‌ردير. مكتوبلار، فونئتيك تورك ايملا و اليفباسينا گؤره گونجه‌ل.له‌شديريلميشدير. قايناقلار: وێنەی کۆماری کوردستان http://weneykk.blogspot.com/ ---------------------- بيرينجي مكتوب: ---------------------- وزاره‌ت هيزي كوردوستان مهاباد آزه‌ربايجان كومونيست پارتيياسينين باش كاتيبي جناب ميرجعفه‌ر باقيروف: چوخ ائحتيراملا عرض اولونور: سرده‌شت و ساققيز و بانا رايونلاريندا دوشمه‌ن الينده تانكلار واردير و بير ده سننه شهه‌رينده اولارين لشكه رين[ين] مركه‌زينده طه‌يياره وار. بونا گؤره سيزده‌ن چوخ خاهيش ائديره‌م امر بويوراسينيز بيزه اوچ تانك و ايكي ضيدد-ي طه‌يياره توپو بيزه وئرسينله‌ر. محه‌ممه‌د قاضي. ٢٩-١٢-٢٤  ---------------------- ايكينجي مكتوب: ---------------------- مؤحته‌ره‌م آزه‌ربايجان خالقينين آتاسي و بؤيوك موعه‌لليمي اولان جناب مير جعفه‌ر باقيروف اه‌ووه‌له‌ن شخصه‌ن من و بيز كورد خالقي طره‌فينده‌ن سيزه و آزه‌ربايجان ميلله‌تينه چوخلو سالاملار يئتيرمه‌ك[ل]ه، با هم خوش، آزاد و خوشبه‌خت كيمي، اولدوقجا اوزون ايلله‌ر بويو ياشاماغينيزي اوره‌كده‌ن آرزي ائديريك. منيم بو مكتوبو يازماقدا مقصودوم اوندان عيباره‌تدير كي سيز تمامه‌ن آرخايين اولاسينيز كي سيزين و قيزيل اوردونون چكدييي زحمه‌تله‌ر هده‌ر[ه] گئتمه‌يه‌جه‌ك و روس قوشونو بيزيم فيكريميزده‌ن، اوره‌ييميزده‌ن چيخماياجاق. من هئچ بير زامان اينانابيلمه‌ره‌م كي روس قوشونلاري ايران`ي بوشالداراق مظلوم خالقلاردان گؤز گؤتوروپ، اؤز دوغما وطه‌نله‌رينه گئده‌جه‌كله‌ر. منه ائله گلير كي دؤرد بئش ايل سيزين گؤسته‌ريشينيزله ياشايان و يئنه روسلارين قاييتماسيني آرزي ائده‌ن كورد خالقيني ياددان چيخارماياجاقسينيز و بيزيم حه‌ياتي گونده‌ليك مساله‌له‌ريميز[له] ماراقلاناجاقسينيز. كورد ميلله‌تي آزه‌ربايجانلا با هم اؤز ميلله‌تي، وطه‌ني و آزادليغي اوغروندا داييمه‌ن دوشمه‌نله ووروشاجاقلار. آرتيق مئيدان ناموسلونوندور. بيز كورد ميلله‌تي سيزين كؤمه‌يينيزله موته‌مه‌ددين بير ميلله‌ت بولماقلا با هم اونو دا ياخشي بيليريك كي آزادليغي سئوه‌ن بير ميلله‌ت بيرليك و موباريزه‌ني ائتمه‌ليدير. آزادليق موباريزه‌سيز و قانسيز مومكون دئييلدير. بيز كورد ميلله‌تي هئچ واخت تئهران`ا باش اه‌يمه‌ريك، لاكين سيزده‌ن بير خاهيشيم وار: ١-كورد ميلله‌تيني اؤز قايغي يوواسيندا (؟) بسله‌دييينيز كيمي، اونلاري اوچونجا (؟) ياددان چيخارمايين و داييمه‌ن گؤز قولاق وئرين. سيز بيزه بير، بيز كورد خالقي موقابيلينده يوز بورجلو اولماغا حاضيريق. ٢-بير خاهيشيم وار كي بيزه گؤنده‌رديينيز يولداش عيسي زاده تئزليكله گئري قايتارماق، منه بوايش چوخ تعه‌ججوب گلير. بير اينسان كي ناموسلا ايشله‌يه، زحمه‌ت چكه، خالق مودافيعه قوشونو يارادا، سرحه‌ددي مؤحكه‌مله‌نديره، خالق آراسيندا حؤرمه‌ته ماليك اولا، بيرده‌ن ايسه روسلارين گئتمه‌سي و كورد خالقينين دوشمه‌نله موباريزه ايمتاحانيني وئره‌ن زامان، يولداشيني گتيرمه‌ك فيكرين[ه] دوشه‌ره‌ك بيزي ترك ائتمه‌سي، مني موعه‌ططه‌ل قويور. دييه‌سه‌ن بو باهانا ايدي منه گؤره صلاح الدين`ه بيزيم حاققيميز سيزينكي قده‌ر اولابيله‌ر. چونكو او اه‌ووه‌له‌ن سوويئت اوغلو و ايكنجي كورددور. بونا گؤره سيزده‌ن خاهيش ائديره‌م هئچ اولماسا ايشي باشا چاتديرانا قده‌ر، يولداش عيسي زاده`ني و يولداشينين تشريفيني گئري قايتاراسينيز. چوخ ساغ و خوشباخت اولاسينيز. سيزي اونوتمايان، هم دوست محه‌ممه‌د قاضي  ---------------------- اوچونجو مكتوب: ---------------------- بؤيوك آزه‌ربايجان`ين موعه‌ظظه‌م رهبه‌ري، آتا و باش موعه‌لليميميز مير جعفه‌ر باقيروف حضره‌تله‌ري ايندي كي بيزيم كيچيك تمه‌ددون كاروانيميز اؤز موره‌خه صلييي[ني] تامام ائديپ، يئنيده‌ن كسب-ي عئلم و كامال و اؤز اؤلكه[سي]ني ايشيقلانديرماق اوچون قاييديرلار، واختي غنيمه‌ت بيليره‌م اؤز صميمي سالاملاريمي تقديم ائديپ و تقاضا ائيله‌يه‌م كي مواككه‌د دستور بويوراسيز كي سيزين مراحيم و بويور[دوغو]نوز كوردله‌رين باره‌سينده كاميله‌ن عمه‌لي اولوپ و او جنابين خئييرخاهليق لوطفله‌ري جيدديره‌ك تعقيب اولسون محه‌ممه‌د قاضي 
Read more! posted by <21 Azer> | 11:08 AM |
|
|
|
|
|
|
Rent Movies Online |
||||
|
|||||
