ييرمى بير آذر بايرامى
"آناديلى" ايكينجى صينيف درس كيتابيندان ـ ١٣٢٥ درس ايلى.
ييرمى بير آذر گونو بيزه شانلى بايرامدير. بو گونده آذربايجان ميللتى اؤز ميللى مجليسينى قوروب. بو گونده آذربايجان خالقى اؤز آرزيلارينا يئتيب. بو گونده آذربايجان ميللتى ظولم زنجيرلرينى قيرماق ايله اؤزونو آزاد ائديبدير.
ييرمى بير آذرده آذربايجان اوغوللارى آزادليق بايراغينى ميللى مجليسين قاپيسيندا سانجيبلار.
آذربايجان بيزيم عزيز وطنيميزدير. بيز وطنيميزى سئويريك. آذربايجانين ميللى مجليسى بيزيم اوميد ائويميزدير. ميللى مجليسيميز پايدار اولاجاق. آذربايجان خالقى اونون بايراغى كؤلگه سينده هميشه ليك خوشبخت ياشاياجاقدير.
ياشاسين ميللى مجليسيميز!
موبارك اولسون ييرمى بير آذر بايرامى!
ــــــــــــــــــــ
سوآللار:
٢١ آذر بايرامى نه اوچوندور؟
بيز نه اوچون آذربايجانى سئويريك؟
بيزيم وطنيميز هارادير؟